為著一百萬
歌手:蘇明淵
專輯:善良的歹人
2019-12-25|台語音樂
歌手推薦
歌詞

為著一百萬

無影無跡一時一刻招我做妳的翁和妳生囝
啥物我是妳熟識上讚的羅漢跤有氣魄有叫小堂堂男子漢
你講輸人毋輸陣輸陣歹看面叫我先匯五十萬作聘金
煞咧恁母仔開刀恁阿嬤車禍講甲喙角全全泡
我手攏無牽著面嘛無見著干焦聽著妳敲電話來司奶
叫我男主角叫我親愛的我聽甲茫酥酥
強欲擋袂著閣予妳五十萬

喔喔喔喔妳這个歹查某(歹物仔)
予妳騙甲踅玲瑯(予妳迷甲頭殼悾悾)
喔喔喔喔(哼)妳這个歹查某(歹七仔)
緊還我一百萬

我欲揣律師去告官府律師罵我頭殼破一空無藥醫
講我激怐怐袂記得穿內褲嘛愛記咧甲頭殼囥佇身軀
毋通攏用跤頭趺咧思考毋通攏用跤頭趺咧思考
無情的社會走跳遮濟年想欲揣一个牽手過日子
想袂到去拄著妳講啥物欲愛我一萬年
原來攏是為著錢原來攏是為著一百萬